home loans

Manaosai 3

simplecaddy

Your cart is empty

Who's Online

We have 45 guests online
Literatur


என் கொல்லைப்புறத்துக் காதலிகள் PDF Print E-mail
Literatur - புத்தகங்கள்
Written by சந்திரவதனா   
Friday, 14 September 2018 21:34
என் கொல்லைப்புறத்துக் காதலிகள் பற்றி நான் முன்னமே கேள்விப் பட்டிருக்கிறேன். படலை இணையத்தளத்தில் தொடராக வெளிவந்தது என்றும் அறிந்திருக்கிறேன். படலை தளத்தில் இது வெளிவந்த காலத்தில் ஜேகே என்னும் Jeyakumaran Chandrasegaram என்றொருவர் வாழ்ந்து கொண்டிருப்பதோ, எழுதிக் கொண்டிருப்பதோ எனக்குத் தெரிந்திருக்கவில்லை.

ஓரிரு வருடங்களின் முன்னர் - 2016ஆக இருக்கலாம். தற்செயலாக அவரது எழுத்துக்களை முகநூலில் காணக்கிடைத்து மிகவும் ரசித்து வாசித்தேன்.

அதன் பின்னான ஒரு பொழுதில், அவரது இந்த ´என் கொல்லைப்புறத்துக் காதலிகள்` நூலை Amazon இல் கண்டு, பரீட்சார்த்த வாசிப்புக்காகத் தரவிறக்கக் கூடிய ´பங்கர்´ என்ற பதிவையும் `கடவுள்` என்ற பதிவையும் தரவிறக்கி வைத்திருந்தேன்.

மீண்டும் ஒரு தற்செயலாக நேற்று அந்த `பங்கர்´ என்ற பதிவை, எனது Kindle இல் கண்டு வாசித்தேன்.

ஒருவித அன்னியோன்னியமான எழுத்து. எளிமையான நடை. கடினமான வார்த்தைகளற்ற, பாமரரும் விளங்கிக் கொள்ளக்கூடிய சொற்பிரயோகங்கள். கொடுமையான பங்கர் வாழ்வைக் கூட ரசனையுடன் எழுதியிருக்கும் தன்மை.

அப்படியே பங்கருக்குள் இறங்கி அவரது குடும்பத்துடன் வாழ்ந்து விட்டு வந்தது போன்றதொரு உணர்வு.

சில பயனுள்ள தகவல்களும் கிடைத்துள்ளன. உங்களுக்குச் சிலவேளை தெரந்திருக்கலாம். எனக்குப் புதிதாக இருந்தன. பீப்பீ ஊத, வடை தட்ட, ஆட்டுக்கு உணவாக வெட்டிப்போட, வேலிக்குக் கதியாலாக... என்றளவிலான பூவரசின் பயன்களையே அறிந்திருந்த எனக்கு இது புதியதகவல்
இந்த மரப்பிடி செய்யும் முறையே ஒரு தனியான கலை. கோடாலி, பிக்கான், மண்வெட்டி போன்றவற்றுக்கு மரப்பிடி செய்வதற்குச் சரியான ஆள் ‘பூவரசு’. இடியப்ப உரல், மாட்டுவண்டில்களின் சிலைக்கம்புகள், சில்லுக்கட்டைகள் எல்லாமே பூவரசு மரத்தில் இருந்து செய்யப்படுவதே.

மரப்பிடி செய்வதற்கு பூவரசு மரத்திலிருந்து நல்ல பழுத்தக் கொப்பாகப் பார்த்து வெட்டி நெருப்புத் தணலில் போட்டுச் சுடுவார்கள். பொன் நிறத்தில் அது எரிந்து வரும்போது, தோலைக் கீறி அகற்றி, மரவேலை செய்யும் தொழிலாளர்களிடம் கொடுத்து சீவி எடுப்பார்கள். அதை மண்வெட்டி, பிக்கான் கோடாலிக்குப் பிடியாகப் போட்டால் சிங்கன் அசையாமல் இருப்பார்.

- ஜேகே என்னும் Jeyakumaran Chandrasegaram

கூடவே நகைச்சுவை.

அப்படியே Amazon இல் நூலின் Kindle பதிப்பை வேண்டி, முழுவதையும் வாசித்து விடலாம் என்றிருக்கிறேன்.

- சந்திரவதனா
09.09.2018
Last Updated on Friday, 14 September 2018 21:54
 
Die offene Wunde NSU PDF Print E-mail
Literatur - புத்தகங்கள்
Written by Kerstin Vlcek   
Friday, 14 September 2018 20:55


Schwäbisch Hall / Kerstin Vlcek 11.08.2018

„Ende der Aufklärung – Die offene Wunde NSU“: Haller-Tagblatt-Redakteur Thumilan Selvakumaran ist Mitherausgeber des Buches über den NSU. Viele Fragen sind bis heute offen.

War der Mord an der Polizisten Michèle Kiesewetter in Heilbronn Zufall oder geplant? Besteht der Kern des Nationalsozialistischen Untergrunds (NSU) tatsächlich nur aus Beate Zschäpe, Uwe Mundlos und Uwe Böhnhardt? Warum  hat der Verfassungsschutz so lange nichts vom NSU mitbekommen? Diese und noch viele weitere Fragen werden im Buch „Ende der Aufklärung – Die offene Wunde NSU“ aufgeworfen, auseinandergedröselt und versucht zu klären.

Mitherausgeber Thumilan Selvakumaran, Redakteur des Haller Tagblatts, hat mit weiteren Journalisten und Wissenschaftlern in einem rund 330 Seiten umfassenden Buch versucht, dem Leser die Komplexität des NSU-Gespinstes näherzubringen.

Das haben die 13 Autoren geschafft, auch für einen Laien in der NSU-Thematik. Dass sie lange gegraben und recherchiert haben, ist in jedem der Kapitel herauszulesen. Interviews mit Anwälten, wie jener von der Mutter von Michèle Kiesewetter, und Auszüge aus Plädoyers der Anwälte der NSU-Opfer, geben einen tieferen Einblick in das schwer zu fassende Thema
Last Updated on Friday, 14 September 2018 21:31
Read more...
 
அறைக்குள் வந்த ஆப்பிரிக்க வானம் - இந்திரன் PDF Print E-mail
Literatur - புத்தகங்கள்
Written by சந்திரவதனா   
Saturday, 08 September 2018 20:26


Amazon Kindle பதிப்பைப் படிக்க முடிந்தது.

முகப்புத்தகம்தான் அப்படியொரு நூலை எனக்கு அறிமுகப்படுத்தியது. கறுப்பு இனத்தவரின் துயரத்தைக் கூறும் கதைகளும், கவிதைகளும் மனதை நெருடுகின்றன.

xxxxxx xxxxxx xxxxxx

சிரிக்கக் கற்றுக் கொடு, மகனே!

முன்னொருகாலத்தில்
மகனே, அவர்கள் இதயத்தோடு சிரிப்பார்கள்.
கண்களால் சிரிப்பார்கள்,
ஆனால் இப்போது
பற்களால் மட்டுமே சிரிக்கிறார்கள்.

அவர்களது பனிக்கட்டி மூடிய
சில்லிட்ட கண்கள்
என் நிழல்களுக்குப் பின்னாலும்
துழாவுகின்றன.
அவர்கள் தங்கள் இதயங்களோடு
கை குலுக்கிய காலங்கள்
இருக்கத்தான் செய்தன.

என் மகனே, குழந்தாய்
இப்போது அவர்களின் வலது கை இதயமில்லாமல் குலுக்கிறபோது
இடது கை என் கால் சட்டைப்பைகளை
துழாவுகின்றன…..

- கேபிரியேல் ஒகாரா / நைஜீரியா /

Last Updated on Saturday, 08 September 2018 20:58
Read more...
 
டானியல் கிழவரும் நானும் - 2 PDF Print E-mail
Literatur - பத்திகள்
Written by சந்திரவதனா   
Tuesday, 10 July 2018 07:51
குளித்தல் என்பது வெறுமனே ஊத்தை போவதற்கான விடயம் மட்டுமல்ல. குளிக்கும் ஒவ்வொரு பொழுதிலும் மனதிலுள்ள எரிச்சல்கள், கோபங்கள், வேதனைகள் எல்லாம் தண்ணீருடன் கூடவே வழிந்தோடும். அப்படி எல்லாவற்றையும் கழுவி ஊற்றி, குளித்து முடித்து, வேலைக்குப் போகும் போது மனமும் குளிர்ந்து, புத்துணர்ச்சி பெற்றிருக்கும். அன்று நான் குளித்து, வெளிக்கிட்டு அப்படியொரு புத்துணர்ச்சியுடன்தான் படிகளில் இறங்கினேன்.

டானியல் கிழவரின் குடியிருப்பும், கதவும் அசுமாத்தம் எதுவுமின்றி அமைதியாக இருப்பது போன்றதொரு பிரமையைத் தோற்றுவித்தன. வழி நெடுகலிலும் யோசித்துக் கொண்டே போனேன். கடைசியாக அவரை எப்போது கண்டேன் என நினைவுபடுத்திப் பார்த்தேன். எதுவும் பிடிபடவில்லை. வேலையில் மூழ்கி வெவ்வேறு நினைவுகளோடு மனம் அலைந்து கொண்டிருந்தாலும் டானியல் கிழவரும் அடிக்கடி மனதுக்குள் எட்டிப் பார்த்துக் கொண்டிருந்தார்.

பதினைந்து படிகள் இடைவெளியில் எங்கள் குடியிருப்புகள் இருந்தாலும் டானியல் கிழவரை சில சமயங்களில் வாரங்கள், மாதங்களாக நான் காண்பதில்லை. ஆனாலும் அவரது இருப்பை உணர்ந்து கொண்டே இருப்பேன்.
Last Updated on Friday, 14 September 2018 22:07
Read more...
 
கொஞ்ச நேரம் PDF Print E-mail
Literatur - சிறுகதைகள்
Written by மாதவி   
Sunday, 24 June 2018 08:08
Vettimanyஇயற்கையை, தான் மட்டுமே இரசிக்கவேண்டும் என்ற எண்ணமில்லாதவன் கலைஞன். அதனால் தான் அழகு என்று காண்பதை ஓவியமாகவோ, புகைப்படமாகவோ ஒளிப்படமாகவோ சிறைப்பிடித்து காலம் காலமாக யாவருக்கும் காட்டி மகிழ்கிறான்.

இந்த மகிழ்ச்சி எனக்கும் அடிக்கடி வருவதுண்டு. அதனால் கமராவுடனே தான் எந்த விடுமுறை என்றாலும் கழிப்பேன். இது இன்று அல்ல அன்று தொட்டுத் தொடரும் பழக்கம். விடுமுறை என்றால் தனித்துச் செல்லும் பழக்கம் எனக்கு மிக அரிது. இன்று போல் கணவன், தனியாகவும், மனைவி தனியாகவும் விடுமுறைக்கு செல்லும் பழக்கம் குடிகொள்ளாத முதல் தலைமுறை மனிதன் நான்.

முன்பு கொழும்பு செல்வது என்றால் பிற்பொக்ட் கவனம் என்று சொல்லி அனுப்புவார்கள். இப்போ பாங்காக் போவது என்றால் அங்கு பெண்கள் கவனம் என்று சொல்லி அனுப்புவார்கள். கொழும்பில் கொடுக்காவிட்டாலும் பிக் பொக்ற் அடிப்பார்கள், ஆனால் இங்கு ஆண்கள் இடம் கொடுக்காமல் பெண்கள் அடிக்க மாட்டார்கள் என்பது சிறு வேறுபாடு.

பாங்காக்கை விட புக்கெற்றும், பிப்பி அயலன்ட் மற்றும் ஜேம்பொண்ட் அயலண்டும் (அது முன்பு ஜேம்பொண்ட் நடித்த படம் ஒன்று எடுத்த தீவு என்பதால் வந்த பெயர்.) ஒரு திரைப்படத்திற்கு வேண்டிய அழகிய காட்சிகள் கொட்டிக்கிடக்கும் இடம், இத்தீவு. நானும் மனைவியும் ஒருவார விடுமுறையில் சுற்றுலா போனோம்.
Last Updated on Sunday, 24 June 2018 08:12
Read more...
 
கறுத்தக்கொழும்பான் PDF Print E-mail
Literatur - பத்திகள்
Written by காந்தள்   
Friday, 22 June 2018 06:50
அது 1981 ம் ஆண்டின் ஏதோ ஒரு மாதம். எனது கணவர் கொழும்பில் வேலை பார்த்துக் கொண்டிருந்தார். ஏதோ ஒரு அவசிய வேலை காரணமாக நான் எனது கணவரிடம் கொழும்புக்குச் செல்ல வேண்டி வந்தது.

நான் புறப்படுவதற்கு முதல்நாள் எனது கணவர் என்னைத் தொலைபேசியில் அழைத்து தன்னுடன் வேலை பார்க்கும் ஒரு பெண்ணுக்காக யாழ்ப்பாணக் கறுத்தக்கொழும்பான் மாம்பழம் வேண்டி வரச்சொன்னார். நானும், அவள் அவருடன் வேலை செய்யும் பெண் என்பதால் அவருடைய மரியாதைக்கு எந்த குறைச்சலும் வரக் கூடாதென நினைத்து, பார்த்துப் பார்த்து தேடி நல்ல கறுத்த கொழும்பான் மாம்பழங்கள் வாங்கிக் கொண்டு ரெயின் ஏறினேன்.

நான் கொழும்பு போய்ச் சேர்ந்த அன்றைய பொழுது மிகவும் இனிமையாகக் கழிந்தது. அடுத்தநாள் எனது கணவர் மாம்பழங்களுடன் வேலைக்குச் சென்று விட்டார். நான் சமைத்து விட்டு அவரது அறையில் அங்கொன்றும் இங்கொன்றுமாகச் சிதறியிருந்த அவரது பொருட்களை அடுக்கத் தொடங்கினேன். அடுக்கிக் கொண்டு போனபோது, பல பெட்டிகளின் அடியில் இருந்த ஒரு பெட்டி என்னைக் கவர்ந்தது. அது எனது கணவரது தானே என்பதால் எந்தவித யோசனையுமின்றி அதை முக்கித்தக்கி இழுத்தெடுத்துத் திறந்து பார்த்தேன்.
Last Updated on Friday, 22 June 2018 07:03
Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 68